Custo

Cústame entender o valor das cousas. Será que me acabo enredando co prezo e, por máis que intento imaxinar todo o que vexo lonxe, non dou chegado a entendelo.

Veñen estas contas con ocasión da lectura dunha noticia sobre o goberno vasco e o posible investimento de algo máis de oitenta millóns de euros (escríboos con letra porque así non lles vexo tantos ceros, que asustan). Son moitos cartos. Seguro que se poden facer unha chea de cousas con eles. Urdangarín, sen ir moi lonxe dos vascos, mercou algo parecido a unha vivenda en Mallorca só con seis, se chega a ter oitenta quen sabe o que compraría...

Non me van preguntar, pero neste tempo de privatizacións de todo o público, eu non lles quitaría o gustazo aos familiares de seguir sendo propietarios do seu. 

XI

Sentirche a pel é ter tacto,

notala é apalpar a vida:

pel morena, sen recato;

pel moi branca, prohibida.

.