Descartes

Un dos xogos que me gusta é o subastado. O de catro máis, pero ao de tres tamén xogo, se podo. Decisións difíciles nesas partidas soen ser as dos descartes. Igual acontece no chinchón. E non digamos no póquer.

Descártome, logo existo. Nunca houbo unha verdade máis clara. 

Todo é xogo.

Eu sei varias palabras importantes,

certas verbas feliz tempo confiadas,

co encanto sedutor na súa pronuncia,

a ventura e arroubo dos oídos

tan perto da calor do sentimento.

Veladas polo amor interesado,

vividas con fortuna e con cariño,

palabras con estrelas como norte.

Desorientado xa, eu non as sinto,

destino así cruel é o desencanto,

desconfiadas palabras estas outras,

desconcertos fatais no desalento,

desventura que achega para nós

desnuda, desvivida e desnortada,

desvelando un final non desexado,

desperto o desamor desde o desdén.

.